Protestuesja: Mos harxhoni vezë dhe miell, hidhni mbeturina ndaj tyre

Një protestuese tha se nuk ka asnjë vlerë të harxhohen miell dhe vezë ndaj deputetëve, pasi ata meritojnë të gjuhen me mbeturina. ”Jam e diasporës së Italisë. Mos e quani z.Kryeministër, unë nuk e votova sepse nuk mund të jetë kryeministri im. Mos harxhoni vezët dhe miellin, është gjynah të harxhosh ushqimin sepse ka plehra plot që mund tua hedhim.

Sot është 2 korriku i ambasadave, jam mësuese për nxënësit me aftësi ndryshe në Itali. Fëmija i zotërisë nuk kishte një karrocë të denjë dhe sikur sot e pashë që dhunohej nuk kam fjalë, ky ishte reagimi që prisja prej jush, të mbushim sa më shumë sheshet.

Duhet të jemi dëshmitarë të ndryshimit. Kulmi i së keqes është hiçi! Më 4 korrik, shumë nga bashkëatdhetarët do të jenë këtu, qoftë edhe për një orë dilni këtu”, tha ajo.