PS dhe PL regjistrohen në KQZ për 14 Majin, pritet vendimi për PD

Ka nisur mbledhja e Komisionerit Shtetëror të Zgjedhjeve, ku Partia Socialiste dhe Partia e Lirisë janë regjistruar për zgjedhjet lokale të 14 Majit, pasi kanë dorëzuar dokumentet përkatëse siç i kërkon ligji.

Dy PD-të kanë probleme, dhe nuk dihet tashmë se do të jetë grupi Alibeaj, apo Berisha ai që do të marrë pjesë në zgjedhje me vulën e PD-së.

Komisoneri Shtetëror i Zgjedhjeve, Ilirjan Celibashi ka deklaruar se ka dy kërkesa, një nga Sali Berisha dhe një nga Lulzim Basha, përmes përfaqësuesit ligjor, Indrit Sefa.

“Ka dy kërkesa, një nga zoti Berisha, kemi dhe një kërkesë tjetër nga zoti Basha, përmes jush që jeni përfaqësues ligjor”, theksoi Celibashi.