PS i kërkon të dorëzojë mandatin e deputetes, Marjana Koçeku shkon në Parlamentin Europian

Në një kohë që Partia Socialiste i kërkon të dorëzojë mandatin, deputetja Marjana Koçeku tregon se ndodhet në Parlamentin Evropian në Bruksel. Sipas Koçekut në fokus të diskutimeve janë çështjet mjedisore, protestat e zhvilluara gjatë 30 ditëve të fundit, si dhe problematikat me të cilat përballet vendi. ”Evropa duhet t’i kthejë sytë drejt Shqipërisë më shumë se kurrë”,-shkruan Koçeku.

Postimi i plotë

Evropa duhet t’i kthejë sytë drejt Shqipnisë ma shumë se kurrë. Jam e nderueme që këto ditë ndodhem në Parlamentin Evropian në Bruksel, me ftesë të disa eurodeputetëve, me të cilët do të diskutojmë mbi çështjet mjedisore, protestat e këtyne 30-ditëve dhe problematikat e shumta që po përballet vendi ynë, veçanërisht korrupsionin dhe arbitraritetin e nji pushteti që po kapërcen çdo kufi.