Publikohen tri letrat e Sokrat Shanit; ”Do shkojmë bashkë në varr”

Aktualitet E Premte, 30 Prill 2021 04:28

Hsitoria e 65-vjeçarit Sokrat Shani dhe 29 vjeçaren Jonida Çanaku, i janë vendosur epitete të shumta. Si një dashuri e përgjakur, krim pasioni, marrëzia e plakut. Por para se të vriste veten, ai la tre letra, të cilat sot ABC News i ka bërë publike, të shkruara me dorë, para se Shani të vetëvritej.

Në njërën prej tyre, e cila transmetohet për herë të parë, ai tregon për dashurinë e tij ndaj Jonida Canakut, vajzës së cilës i mori jetën.

“Vendosa të iknim nga kjo jetë të dy bashkë”.

Sokrat Shani kishte firmosur më parë vdekjen e partneres dhe të vetes. Pasi vrau të dashurën e tij Jonida Çanakun, do të vetëvritej. Këtë e tregon qarte në njërën nga tri letrat. Një ditë parë se të qëllonte veten me plumb në kokë, në dt. 14, që korrespondon me momentin e mbytjes së 29 vjeçares në Golem, Sokrat Shani shkruan.

“Vendimin e mora sot më 14. 08 2016. Për Jonidën që e desha edhe në varr. Vendosa të iknim nga kjo jetë të dy bashkë. Jeta është e bukur dhe aq e vështirë. Të gjithë skenën e krimit e kam kryer une në gjendje të rëndë psikologjike dhe depresioni. Sokrat . V Shani. 14. 08.2016 .” Në letrën e dytë, biznesmeni 65 vjeçar kujdeset, të tregojë ku ndodhej trupi i pajetë i Jonida Çanakut. Shënon adresën në pallatin e motrës së tij në Golem.

Kurse mbylljen ai e bën në letrën e tretë.

Aty shënon adresën e shtëpisë dhe sipër saj vendos çelësat e banesës së motrës. Shani ishte kujdesur deri në detaj para se të vetëvritej. Tri letrat tregojnë këmbënguljen e tij që kufoma të gjendej nga policia. Çifti kishte lidhje prej më shumë se tre vjetësh, dhe burri kishte vendosur të martohej me vajzën 29 vjeçare, e cila duket se nuk ka qenë dakord. Histori të tille nuk ka parë bota, shkruante Sheksipri për Romeo e Xhulieta. E tillë duket edhe historia e Sokrat Shanit dhe Jonida Çanakut.