Qëndresa Qytetare kallëzon në KQZ deputeten e PS, ja shkelja

”Lufta” për 25 prillin ka nisur. Prania e deputetes së PS-së, Elona Gjebrea në shkollën 9-vjeçare ”Abdullah Keta” në Tiranë ka shkaktuar reagim të ashpër nga ana e Qëndresës Qytetare, e cila ka kallëzuar deputeten pranë Komisionit Qendror të Zgjedhjeve.

Kallëzimi erdhi pas postimit në rrjetin social facebook të fotove nga ana e deputetes Gjebrea, e cila deklaron se u ka premtuar nxënësve se forca politike që ajo përfaqeson do të përmirësojë kushtet e tyre.

Kjo bie ndesh me nenin 91 të Kodit Zgjedhor dhe Vendimin e Komisionit Rregullator të KQZ. Më parë deputeti Ervin Bushati është kallëzuar në KQZ po për të njëjtin veprim si Gjebrea.