Qeveria miraton vendimin: Qytetarët me dokumente të skaduara mund të votojnë në 11 maj

Qeveria shqiptare miratuar vendimin që lejon qytetarët me dokumente të skaduara të votojnë në zgjedhjet e 11 majit

Vendimi u mor në mbledhjen e sotme të qeverisë.

Vendimin e bëri publik ministri i Brendshëm, Ervin Hoxha.

“Qeveria miratoi një akt shumë të rëndësishëm për zgjatjen e afateve të kartave të identitetit dhe pasaportave biometrike. Ky vendim do të zgjidhë shumë shpejt të gjithë ngërçin e krijuar. Janë rreth 500 mijë shtetas shqiptarë, të cilëve u ka përfunduar vlefshmëria e kartave të identitetit. Në këtë mënyrë me miratimin e këtij akti, do të kenë mundësinë të gjithë shtetasit shqiptarë jashtë vendit të ushtrojnë të drejtën e votës si një e drejtë kushtetuese. Të gjithë shtetasit do të votojnë sipas udhëzimeve të KQZ-së, duke u regjistruar në platformën elektronike“, tha Hoxha.