Qytetarët që kanë sëmundje të tjera? Rakacolli tregon ku duhet të drejtohen

Kur e gjithë armatura e mjekësisë është e fokusuar tek Covid-19, zv/ministrja e Shëndetësisë, Mira Rakacolli i është përgjigjur interesit të qytetarëve nëse funksionojnë shërbimet e tjera mjekësore dhe se ku duhet të drejtohen personat që kanë sëmundje të tjera përveç virusit. “Kirurgjia e urgjencës funksionon normalisht, ashtu sikurse trajtimet për të gjitha sëmundjet malinje, që nuk presin. Sistemi shëndetësor qëndron në punë 24 orë në 24. Urgjenca nuk është vetëm për koronavirusin, po i shërben të gjithëve. Në të gjitha spitalet rajonale urgjencat funksionojnë normalisht. Kufizim ka vetëm për disa kirurgji që mund të presin, ato janë shtyrë”.