Qyteti i lindjes, Durrësi, nderon Sokol Olldashin pas vdekjes “Qytetar nderi”

Ish-deputeti Sokol Olldashi u shpall sot qytetar nderi i qytetit të Durrësit pas vdekjes, qyteti i cili është vendlindja e tij.

Titulli i nderit i është dorëzuar sot djalit të tij më të madh, në bashki, pikërisht në ditën e lindjes së ish-deputetit.

Deputeti Igli Cara, pjesëmarrës në këtë ceremoni tha se se “Sokol Olldashi ishte sfidues në politikë, dinte te fitonte, por edhe të humbte me nder”.

Po sot, u shfaq edhe një dokumentar në kujtim të Olldashit. Këshilli Bashkiak i Durrësit e ka marrë vendimin që u shpall sot një muaj më parë, më 17 nëntor por, ka pritur ditën e duhur për t’ia dhënë atë, familjes Olldashi.

Sokol Olldashi lindi më 17 dhjetor 1972 në qytetin e Durrësit dhe vdiq në 20 nëntor 2013 në një aksident të rëndë automobilistik në Krrabë.