Rama dhe Meta takojnë të gjithë kandidatët e koalicionit

Kandidatët e Partisë Socialiste dhe të Lëvizjes Socialiste për Integrim në zgjedhjet lokale të 21 Qershorit janë takuar këtë të shtunë, në sallën “Black Box” të Akademisë së Arteve, në Tiranë. 

Takimi u zhvillua me dyer të mbyllura, ndërkohë që të pranishëm në këtë takim ishin dy kryetarët, Edi Rama dhe Ilir Meta, si dhe të gjithë ministrat e kabinetit qeveritar.

Pas mbledhjes, deputeti Taulant Balla tha për mediat se 61 kandidatët e zgjedhur nga e majta do të jenë fitues në zgjedhjet e 21 qershorit, duke vlerësuar përzgjedhjen e tyre.