Rama: Disa qytetarë shqiptarë do të vijojnë të qëndrojnë në Ukrainë

Kryeministri Edi Rama gjatë një interviste për ”Zërin e Amerikës” është pyetur nëse Shqipëria ka propozuar ndonjë rezolutë në lidhje me krizën në Ukrainë. Kreu i qeverisë tha se kjo nuk është çështje e Shqipërisë, por e të gjithë botës tashmë dhe vendimmarrja për këtë i takon SHBA-së.

Sa i përket masave që ka marrë vendi ynë për qytetarët shqiptarë në Ukrainë, kreu i qeverisë tha se do të vijojnë të qëndrojnë disa qytetarë shqiptarë që janë pjesë e misionit të monitorimit të OSBE-së.

”Kjo nuk është një çështje e Shqipërisë, por kjo është një çështje tanimë e të gjithë botës e OKB, e Këshillit të Sigurimit dhe patjetër që në këtë proces do të jemi krah për krah me SHBA dhe sigurisht të jemi krejt realistë vendimmarrja i takon SHBA. Ministria për Europën dhe Punët e Jashtme ka marrë të gjitha masat e nevojshme siç e ka konsideruar të arsyeshme. Ndërkohë kemi disa qytetarë shqiptarë që janë pjesë e misionit të monitorimit të OSBE që do vijojnë të qëndrojnë atje”.