”Rama është fitues ore, si të ikë?”, debat mes aktivistes e zyrtarit demokrat: Ça thua o zonjë?

Ted Kopliku, drejtues i Brain Gain në Partinë Demokratike, dhe Xhilda Luzi, aktiviste politike, u përfshinë në një debat mbi zgjedhjet në vendin tonë. Diskutimi u përqendrua te akuzat për ndikimin e bandave në zgjedhje, legjitimiteti i procesit zgjedhor dhe protestat e opozitës.

Luzi argumentoi se akuzat për përfshirjen e grupeve kriminale në zgjedhje shkëmbehen mes dy forcave kryesore politike, duke theksuar se secila palë akuzon kundërshtarin. “Në çfarëdolloj zgjedhje, secila parti këto akuza bën. Partia Socialiste akuzon bandat e Partisë Demokratike; Partia Demokratike akuzon bandat e Partisë Socialiste”,-tha në ”A2cnn”.

Nga ana tjetër, Kopliku kundërshtoi këtë qëndrim, duke deklaruar se marrëdhënia e Partisë Demokratike me bandat ka qenë e ndryshme nga ajo që ai i atribuon kundërshtarëve politikë. “Partia Demokratike vetëm një marrëdhënie ka pasur me bandat, i fuste në burg. Ju i fusni në Parlament”.

Luzi: Në çfarëdolloj zgjedhje, secila parti këto akuza bën. Partia Socialiste akuzon bandat e Partisë Demokratike; Partia Demokratike akuzon bandat e Partisë Socialiste.

Kopliku: Partia Demokratike vetëm një marrëdhënie ka pasur me bandat, i fuste në burg. Ju i fusni në Parlament.

Luzi: Përsa kohë janë zgjedhje të legjitimuara, ne nuk kemi si ta vërtetojmë këtë lloj gjëje.

Kopliku: Si nuk kemi? Kemi gjithë raportet që na tregojnë.

Luzi: A do flasësh me numra? Sepse kryeministri thotë se ka marrë 800 mijë vota. Është fitues.

Kopliku: Jo, është hajdut.

Luzi: Ai thotë unë kam kaq vota dhe me kaq njerëz sa ju protestoni nuk janë mjaftueshëm. Një problem i kësaj proteste, që ka 130 ditë dhe është një protestë që nuk ka kokë. Nuk po merret vesh.

Kopliku: Unë nuk kam asnjë problem me aktorët politikë. Unë jam duke të thënë që protestuesit kanë krejt mundësinë me kriju një parti politike. Problemi i të gjithë aktorëve është që këtu nuk ka zgjedhje dhe kemi një sistem elektoral krejtësisht të padrejtë. Për atë është edhe tryeza që është ngritur, ku Partia Demokratike bën pjesë.