Rama i kthen personalisht familjes, 400 dhentë e humbura gjatë përmbytjeve

Kryeministri Edi Rama ka qenë i angazhuar personalisht gjatë ditëve të përmbytjes. Ai ka vizutuar pothuajse çdo zonë të përmbytyr, ndërkohë që ditën e sotme ka qenë në një familje për t’u dorëzuar dhentë që humbën gjatë përmbytjeve.

“Në fermën e Nebi Resulajt dhe djemve të tij punëtorë Mentor e Klinton, gjatë kthimit të 400 krerëve të humbur nga përmbytja. Kështu do të ndodhë në çdo familje fermere që ka humbur gjatë përmbytjes gjënë e gjallë dhe çdo kokë bagëti do të zëvendësohet brenda muajit shkurt. Kështu askush nuk do ta humbi periudhen e qumështit që nis në mars”, shkruan Rama, që ka shpërndarë edhe disa foto.

“Nga fshati që jam unë, kur dikush pëson një fatkeqësi në kapital, thonë e mori lumi. Dhe mua vërtet më mori lumi, por nuk më mori fatin. Fat m’u gjende ti”, iu drejtua nga ana tjetër Nebiu, kryeministri.