Këtë pasdite gjatë takimit me të rinjtë e Kamzës, një zë nga rruga u dëgjua duke thirrur ”Rama ik”. Kryesocialisti Edi Rama iu përgjigj duke e ironizuar dhe tha se ai është zë i mbytur i kënetës.
“Po, po do iki, mos ki merak. Tha “Rama ik”. Se duhet në këto raste gjithmonë, na duhet ndonjë hudhër, edhe sikur mos të na vijë, do të duhet ta sajojmë. Shumë faleminderit për solidaritetin, por për mua, unë do shqetësohesha sikur mos të dilte ai zëri i mbytur në kënetë. Unë këtu me ju, ai atje tek pullë”, u shpreh Rama.
Ai ironizoi edhe Berishën për deklaratat gjatë qeverisjes së tij kur thoshte se Shqipëria renditej e dyta në ekonomi pas Gjermanisë. Në takimin me të rinjtë, Rama e krahasoi Kamzën si epokat që ka kaluar Shqipëria.
”Nga një vend e zonë djerrë, e braktisur ku gjithkush mundohej të kaptë një copë tokë mes ferrash, në një park të lulëzuar, me pastërti, investime dhe zhvillim, e transformuar plotësisht”.