Rama inspekton punimet te “Nënë Tereza”: Po transformohet në një ndër aeroportet më të bukur në Europë

Kryeministri Edi Rama inspektoi këtë paradite punimet në aeroportin “Nënë Tereza”.

Aeroporti, që sot më i madhi në rajon për numër pasagjerësh, po transformohet edhe në një ndër më të bukurit e Europës falë projektit inovativ të arkitektit të famshëm italian, Marco Casamonti, u shpreh kryeministri.

“Poshtë ka dy kate parking me gjatësi 1 km dhe pasagjerët mund të hyjnë direkt më pas në terminal. Të gjitha makinat do të jenë poshte, sheshi do të jetë pedonal, do të lejohen vetëm taksitë”, tha Casamonti.

Në aeroport do të ketë një shesh të madh këmbësorësh në hyrje-daljen e aeroportit, së bashku me parkimin e ri nëntokësor për mbi 1000 automjete.