Rama, intervistë për “Al Jazeera”: Investimi në Zvërnec është bekim për vendin

Kryeministri Edi Rama ka folur në një intervistë për Al Jazeera, lidhur me investimin në Zvërnec.

Rama tha se ky investim është një bekim për vendin pasi sjell një investim prej 4 miliardë eurosh në ekonomi.

“Asnjëherë nuk ka qenë në diskutim nëse ky projekt do të realizohet apo jo”, tha Kryeministri.

Rama nënvizoi se ky projekt është një mundësi e madhe investimi, ndërsa hedh poshtë pretendimet se qeveria po shet tokë publike.

“Ky është një bekim për vendin. Një investim prej 4 miliardë eurosh në një vend me një prodhim të brendshëm bruto prej rreth 27 miliardë eurosh flet vetë.

Sa i përket projektit që ka shkaktuar gjithë këtë reagim dhe polemikë në mbarë botën, bëhet fjalë për pronë private. Nuk bëhet fjalë për tokë publike që qeveria shqiptare po e jep duke e shitur vendin. Është pronë private. Është një shprehje interesi e bazuar në një marrëveshje private mes palëve private, në të cilën qeveria shqiptare nuk ka asnjë rol”, u shpreh Rama për “Al Jazeera”.