Rama ironizon sërish influencerët: E duan bregun e detit të virgjër, që të bëjnë foto me bikini

Kryeministri Edi Rama ka ironizuar sërish blogerët dhe influencerët që mbështesin protestat kundër investimit në Zvërnec të Vlorës. Nga Shkodra, ku PS po festonte 35-vjetorin e themelimit të degës, Rama tha se shumë influencerë dhe blogerë po e shfrytëzojnë protestën për followersa dhe për të bërë shitje online. Po ashtu Rama shtoi se blogeret dhe influenceret e duan bregdetin e Shqipërisë të virgjër, në mënyrë që sipas tij të mund të bëjnë foto ‘me bikinit me rrip të hollë.

“Më tregonte një nga ata punonjësit e rinj, ishte njëra te kulla Eifel, kishte bërë një foto kështu dhe dukej 3 herë më e gjatë se unë. Kur e pash thashë do më bjerë sipër. Dhe thoshte ‘u hap koha në Paris’. Natyrisht, se kur ti ke mundësi të shkosh në Paris e Dubai, hallall të qoftë.

Por t’i s’ke pse u thua shqiptarëve ‘atje e dua komplet të virgjër bregun e detit, sepse atje do dal me bikini, me atë lidhsen e vogël’. Edhe këta që i shkojnë nga pas në protestë thonë ‘Inshallah i këputet lidhsja’. Kjo tjetra nxirrte kremra, që t’i kur të futeshe atje të bëje solidaritet për zogjtë, të shitej edhe ndonjë krem fytyre. Fytyre m’u duk mua, se kushedi ça fërkohej me të”, tha Rama.