Rama: Kur unë mora pushtetin Shqipëria po sheh sërish flamingo dhe vendosa moratoriumin e gjuetisë

Duke folur për mbrojtjen e natyrës, kryeministri Edi Rama në konferencën me gazetarët e BE-së, solli si shembull rikthimin e flamingove dhe pelikanëve në vend. Sipas tij, këto specie nisën të rikthehen pas vendosjes së moratoriumit ndaj gjuetisë dhe prerjes së pyjeve. ”Kur mora qeverinë nuk kishte flamingo, sepse Shqipëria kishte gjueti të paligjshme. Flamingot dhe pelikanët nisën të riktheheshin pasi vendosëm moratorium për gjuetinë dhe për prerjen e pyjeve për 10 vjet”, deklaroi Rama.

Pjesë nga fjala

Pak gjëra mund të jenë të krahasueshme që turizmi në nivelin e luksit mund të jetë kundër njerëzve. Ajo që sjell një turist në një resort luksoz është më shumë në kuptimin e të ardhurave dhe më pak në kuptimin e turizmit, trafikut. Turizmi luksoz e mbron një vend nga ajo që mund t’i ndodhë nga turizmi masiv.

Turizmi masiv ka qenë ambasador i shkëlqyer, por s’mund të vazhdojmë në këtë mënyrë, na duhet të kemi turizëm luksoz për të ndryshuar shkallën e të ardhurave dhe për të ulur trysninë që turizmi masiv ka mbi mjedisin.

Të flasim për mjedisin. Flamingot. A e dini se kur nisën të ktheheshin flamingot? Kur unë mora qeverinë, nuk kishte flamingo sepse Shqipëria kishte gjueti të paligjshme. Flamingot e pelikanët nisën të riktheheshin pasi vendosëm moratorium për gjuetinë e paligjshme, për prerjen e pyjeve për 10 vjet.