Rama në Bubq, ironizon Bashën: Kush nuk do probleme me bravat, të bëhet socialist

122 familje në fshatin Bubq, natën e vitit të ri do ta festojnë në shtëpitë e reja. Nga aktiviteti me banorët e zonës, kryeministri Edi Rama ironizoi edhe Lulzim Bashën.

Duke qenë se në PD ka ”luftë” bravash, Rama u tha se kush nuk do probleme, le të bëhet socialist.

”Duke pasur kujdes kohët e fundit, kujdes me bravat, se nuk është pjesë e rindërtimit. Ruhinui nga çelësat, si i thonë anglezët, si ai që të ngelet në derë. Kujdes nga ata. E di që këtu ka shumë demokratë në Bubq.

Shqiptarët janë njësoj kur u gjenden pranë. Bravat janë të sigurta si për demokratët dhe socialistët. Kush do të mos ketë problem me bravën, të bëhet socialist”.