Rama në Durrës: Synojmë 1 milionë vota me 11 maj, ndërsa 9 mandate do ti fitojmë në këtë qark

Kryeministri Edi Rama tha sot në Durrës se Partia Socialiste synon të marrë 1 milionë vota në zgjedhjet e 11 majit, përfshi edhe ato të emigrantëve.

Rama gjatë një takimi në Durrës, theksoi se në këtë qark PS synon 9 mandate deputetësh. Ai shtoi se sot PS është në momentin dhe kohën e duhur, njëlloj si PD në mars të vitit 1992, kur u votua masivisht për të mbyllur 50 vite të komunizmit.

”Në vitin 1992, jo të gjithë ishin me PD, por e votuan masivisht pasi donin të mbyllnin atë faqe. Por në mars ’92 shqiptarët llogarinë me historinë e bënë si duhet dhe e votuan masivisht. Sot ne kemi të gjithë të drejtën të kërkojmë një votë përtej mbështetësve natyralë dhe tradicionalë të PS. Ndaj ne duhet të synojmë jo 800 mijë vota, por 1 milionë, duke përfshirë dhe emigrantët’‘, tha Rama.