Rama: Nuk dimë me cilën PD të flasim për presidentin

Kryeministri Edi Rama në mbledhjen e grupit parlamentar të Partisë Socialiste, tha se në zgjedhjet e 6 marsit qeveria do të ketë përballë një opozitë që garon me veten.

Rama foli dhe për zgjedhjen e presidentit të ri të vendit. Ai tha se kreu i shtetit të ri do të zgjidhet nga grupi parlamentar socialist dhe se për këtë proces do të ketë këshillim me qytetarët.

“Në muajin prill duhet të zgjedhim presidentin e Republikës, dhe do ta zgjedhë ky grup parlamentar në radhë të parë. Komplikimi i skajshëm i situatës me krijimin e dy PD-ve na e bën të vështirë se ku ta kërkojmë dialogun me opozitën parlamentare”.