Rama nuk heq dorë nga thirrjet: Nuk trashëgojmë mbi vete problemin e krijuar nga kompania private

Edhe njëherë tjetër, kryeministri Edi Ramaa i është drejtuar grave naftëtare që vijojnë grevën. Sipas kreut të qeverisë, është e gabuar ideja e punonjësve të një kompanie private mund të bëjë grevë kundër qeverisë për detyrimet e sipërmarrësve privat.

Postimi i plotë

Edhe një herë: Nuk ju kam ftuar në asnjë negociatë, sepse nuk kemi asgjë për të negociuar pasi qeveria as që e ka shkaktuar hallin tuaj, as nuk trashëgon mbi vete problemin e krijuar nga kompania private! Rafineria nuk është e shtetit. Ju lutem na jepni mundësinë t’ju ndihmojmë. Ideja e punonjësve të një kompanie private mund të bëjë grevë kundër qeverisë për detyrimet e sipërmarrësve privat është e gabuar. Ju nuk e doni daljen në asistencë dhe e mirëkuptojmë, por ju’a përsëris, pa mbyllur grevën nuk ju’a qajmë dot hallin konkretisht përtej asistencës!

Ideja se punonjësit e një kompanie private mund të bëjnë grevë kundër qeverisë për detyrimet e sipërmarrësit privat është e gabuar. Ju nuk e doni daljen në asistencë dhe e mirëkuptojmë, por ju'a përsëris, pa mbyllur grevën nuk ju'a qajmë dot hallin konkretisht përtej asistencës!

— Edi Rama (@ediramaal) October 29, 2020