Rama: Nuk ka shans të ndryshojë qeveria

Gjatë konferencës me gazetarët, Kryeministri Edi Rama, ka thënë se protestat apo marshimet e opozitës, nuk e ndryshojnë qeverinë. Për të, opozita është bërë shkak i një imazhi të keq në Europë.

”As me qëndrime e as me marshime nuk zëvendësohet dhe as nuk rrëzohet qeveria dhe aq më pak bombat molotov kapsollat dhe fishekzjarret janë program apo alternativë e qeverisjes por përbëjnë një mjet për të plagosur fytyrën e Shqipërisë në sy të botës dhe për të goditur ekonominë e vendit. E vetmja pjesë që nuk ndryshon dhe nuk ka shans të ndryshojë qeveria dhe shumica qeverisëse”,-tha Rama.