Rama nuk pyet për KQZ, reklamon ndërtimin e shkollës në fshatin Shtodhër (VIDEO)

Edhe pse Komisioni Qëndror i Zgjedhjeve ka marrë vendimin që qeverisë i ndalohej shpërndarja e çelësave të shtëpive të rindërtuara, si dhe promovimi i çdo projekti të nisur apo të përfunduar nga infrastruktura e deri tek arsimi e shëndetësia, Rama vijon me fushatën. Pasditen e sotme, kryeministri vizitoi shkollën 9-vjeçare “Shtodhër” në Kavajë, që është ndërtuar e re, pasi u shkatërrua nga tërmeti i 26 nëntorit. Kreu i qeverisë shprehet se shkolla në fjalë është ndërtuar sërish, duke “Rilindur”, pas tronditjeve të tërmetit në vend.