Rama: Partneritet i ri strategjik me Greqinë brenda vitit, Mitsotakis i hapur për zgjidhjen e çështjeve të mbartura

Kryeministri Edi Rama ka deklaruar se brenda këtij viti pritet që Shqipëria dhe Greqia të formalizojnë një dokument të ri të Partneritetit Strategjik, i cili do të forcojë bashkëpunimin mes dy vendeve në disa fusha kyçe.

Këto komente ai i bëri gjatë podkastit të tij “Flasim”, ku foli për vizitën e fundit në Greqi, ku mori pjesë në Forumin Ekonomik të Delfit dhe u takua me kryeministrin grek Kyriakos Mitsotakis.

Rama theksoi se takimet në Athinë ishin të rëndësishme për thellimin e dialogut dhe bashkëpunimit mes dy vendeve fqinje, duke vënë në dukje se ekziston një vullnet i përbashkët për të çuar përpara marrëdhëniet dypalëshe.

Sipas tij, me kryeministrin Mitsotakis ekziston një gatishmëri e qartë për të adresuar në mënyrë të drejtë dhe të matur çështjet e mbartura ndër vite mes Shqipërisë dhe Greqisë, të cilat kërkojnë zgjidhje të qëndrueshme dhe të pranueshme për të dyja palët.

Ai shtoi se Greqia mbetet një partner i rëndësishëm dhe një mbështetje e fortë për Shqipërinë në procesin e integrimit evropian, duke luajtur një rol konstruktiv në rrugëtimin drejt Bashkimit Europian.

Rama u shpreh optimist se marrëdhëniet mes dy vendeve do të vijojnë të forcohen dhe se dokumenti i ri i partneritetit do të shërbejë si një hap i rëndësishëm në këtë drejtim.Sipas burimeve, gjetja e automjetit ka qenë e vështirë për shkak të pozicionit të tij dhe faktit që kanali ku kishte rënë ishte i padukshëm nga rruga kryesore. Kjo ka bërë që viktimat të mos zbuloheshin menjëherë pas aksidentit.