Rama: Populli më ka besuar deri në 2029, shqetësimet reale i trajtoj me seriozitet

Kryeministri Edi Rama i është përgjigjur drejtuesit të lëvizjes “Diaspora për Shqipërinë e Lirë”, Florian Haçkaj, lidhur me protestën që po zhvillohet prej më shumë se 28 ditësh.

Rama deklaroi se mandatin e tij e ka marrë nga qytetarët dhe se nuk ka ndërmend të japë dorëheqjen, duke theksuar se kontrata e tij është me popullin shqiptar deri në vitin 2029.

“Jo, nuk e jap dorëheqjen. Unë jam i lidhur me një kontratë me popullin sovran të Shqipërisë, me të cilin kam firmosur deri në vitin 2029. Dua t’i siguroj të gjithë ata që protestojnë sinqerisht dhe që nuk kanë parti apo para pas tyre për ta nxitur këtë protestë, se unë nuk i ngatërroj shqetësimet, hallet dhe zemërimin e tyre me këta personazhe të padinjitetshëm, të cilët, sipas meje, turpërojnë mexhlisin tonë publik. Sapo të neutralizohet kjo e keqe e madhe, me shumë koka, që e ka kapur për fyti protestën, pa diskutim do t’i drejtohem masës së gjerë të njerëzve”, u shpreh Rama