Bujtina ”Kapllani” në Berat, është vlerësuar nga kryeministri Edi Rama si shembull të mikpritjes dhe zhvillimit të turizmit rural. Në një postim në Facebook, Rama e cilëson bujtinën si një model pozitiv të turizmit familjar, ku vizitorët vendas dhe të huaj mirëpriten me shijet autentike të zonës dhe produkte lokale të siguruara përmes bashkëpunimit me fermerët e Beratit.
”Bujtina “Kapllani”, një shembull i bukur i mikpritjes tradicionale. Bujtina mirëpret turistë vendas e të huaj, duke sjellë shijet autentike të zonës përmes produkteve lokale dhe bashkëpunimit me fermerët e Beratit. Bujtina mirëpret turistë vendas e të huaj, duke sjellë shijet autentike të zonës përmes produkteve lokale dhe bashkëpunimit me fermerët e Beratit”, shkruan Rama.
Rrugicat me kalldrëm të Kalasë dhe lagjet historike të Mangalemit e Goricës mbeten pikat më të frekuentuara nga vizitorët vendas dhe të huaj, të cilët tërhiqen nga trashëgimia kulturore, muzetë, kishat dhe xhamitë që mbart qyteti. Përveç turizmit historik, Berati tërheq gjithnjë e më shumë vizitorë edhe për turizmin natyror dhe atë të aventurës.
