Rama, Presidentes së Bankës Europiane të Investimeve: Shqipëria do të jetë në BE, alternativë tjetër nuk ka!

Kryeministri Edi Rama ka marrë pjesë në firmosjen e marrëveshjes për linjën e re të financimit nga Banka Europiane e Investimeve për të mbështetur bizneset e vogla e të mesme shqiptare në inovacion.

Gjatë fjalës së tij, Rama u ndal edhe një herë te synimi i vendit tonë për t’u bërë pjesë e BE.

“Jemi këtu për diçka që është shumë e rëndësishme për ne, ja pse deshëm ta theksojmë sa më shumë këtë vizitë me bankën Europiane të Investimeve, sepse për ne është shumë e rëndësishme nevoja për të bërë gjithçka të jetë e mundur për ata që i besojnë sipërmarrjes së lirë.

E dashur Nadia, para se të vinim këtu më pyete “pse vazhdojmë të këmbëngulim të bëhemi pjesë e BE?”.

Kam një përgjigje shumë të thjeshtë: sepse nuk ka alternativë përkundrejt lirisë individuale dhe shtetit të së drejtës. Shqipëria kurrë nuk ka pasur një plan B”, tha Rama.