Rama takim me Vuçiçin: Diskutuam për situatën në Kosovë (FOTO)

Kryeministri Edi Rama është takuar ditën e sotme me Presidentin serb, Aleksandër Vuçiç gjatë samitit të Komunitetit Politik Europian që po zhvillohet në Kishinau të Moldavisë.

Ka qenë vetë Vuçiç që ka ndarë në fotot me Ramën.

“Ne në rajon e dimë më së miri se sa e rëndësishme është që bashkërisht të bëjmë çdo përpjekje për të ruajtur paqen dhe stabilitetin e fituar me vështirësi. Diskutuam ngjarjet aktuale dhe hapat e mëtejshëm që do të kontribuonin në gjetjen e një zgjidhjeje për situatën aktuale të vështirë dhe serioze, me shpresën se arsyeja do të mbizotërojë, në të mirë të të gjithëve”, shkruan Vuçiç.