Rama u drejtohet qytetarëve: Vër maskën ti!

Kryeministri Edi Rama shkoi në Lezhë tek Gjergj Fishta. Një incident ka ndodhur në përurimin e shtëpisë së Fishtës, ku përpara nisjes së aktivitetit policia është përplasur me banorët aty dhe ish-deputetin Eduart Ndocaj, i cili më pas është marrë me forcë dhe është shoqëruar në polici.

Nga ana tjetër, Kryeministri Rama ka këshilluar një person që të vendosë maskën. ”Vër maskën ti”,- i’u drejtua Rama.

Ish-deputeti Eduart Ndocaj është futur me forcë në furgonin e policisë. Mësohet se ai është futur në furgon me argumentin se nuk ka ftesë për këtë aktivitet. Ndërkohë janë ndaluar edhe gazetarët që po ndjekin aktivitetin që të futen.