Rama uron në Twitter: Më e mira është ende përpara

Kryeministri Edi Rama ka uruar qytetarët shqiptarë për Ditën e Verës me një postim në rrjetin social Twitter dhe më pas në facebook.
“Gëzuar Ditën e Verës. Paçi të gjithë mirësi dhe besim se më e mira është ende përpara në rrugën e të ardhmes për familjen tuaj e vendin tonë!”, ka uruar Rama. 
Gjatë së shtunës, në kuadër të ditës që shënon hyrjen në stinat e ngrohta të vitit, kryeministri pritet të marrë pjesë në evenimente të ndryshme festive.