Erinda Ballanca ka raportuar në Kuvend për veprimtarinë vjetore të institucionit të Avokatit të Popullit për 2019 ku tha se janë adresuar më shumë rekomandime, 213 teksa 63% e tyre janë pranuar nga institucionet publike dhe 25% po prej këtyre kanë gjetur zbatim të plotë. Më tej ajo thotë se ka problematika tek Policia, ku përmend shoqërimet e paligjshme, dhuna, gazi lotsjellës.
”Na duhet konsensusi shoqëror për shumëçka. Sidomos në kohë krizash të njëpasnjëshme që i janë mbivendosur Shqipërisë në 30 vite, për demokracinë e munguar dhe ekonominë e brishtë. Nuk kemi arritur ende t’ua ofrojmë shqiptarëve. Qytetarët na kanë kërkuar një Shqipëri europiane dhe rikthimi i besimit tek shteti dhe drejtësia. Duhet të ndryshojmë qasje dhe filozofi. Sa më parë ta bëjmë aq më mirë. Viti që lamë pasi ishte viti i parë kur Avokati arriti të plotësojë nivelin e parë drejtues me 5 komisionerë.
Në periudhën janar-dhjetor 2019, Avokati i Popullit ka adresuar 213 rekomandime, 15% më shumë se në 2018 drejtuar organeve të administratës publike duke përfshirë ato qendrore dhe vendore. 134 rekomandime, ose 63% janë pranuar, 25% kanë gjetur zbatim të plotë, 66% të pjesshme dhe 9% nuk janë zbatuar prej mungesës financiare.
10 përqind është refuzuar, 4% është pa përgjigje, 23% në proces. Mungon një Gjykatë Kushtetuese dhe të Lartë, që garanton të drejtat e njeriut, problem thelbësor i vendit tonë. Të zbatohen sa më shpejt objektivat e Reformës në Drejtësi. Duhet të jetë prioritet kombëtar. Kthimi i besimit të publikut tek sistemi në drejtësi, mbetet në fokus të punës sonë. Sa i përket Policisë, vërehen problematike, në momentet e para të shoqërimit dhe arrestimit, keqtrajtimit, apo shoqërime të paligjshme si dhe mbajtja në shoqërim tejet afateve të ligjshme, dëmtimi i shëndetit të qytetarëve nga gazet lotsjellësë etj.
Për një sistem penetenciar, duhet një rekrutim i mirë i stafit dhe sigurimi i kushteve të tyre. I pajustifikueshëm është niveli i një minimumi jetik i të jetuarit në Shqipëri. Një nga komponentët bazë të demokracisë ëshë mirëqeverisja, por nuk mund të jetë me një administratë publike që nuk respekton të drejtat e njeriut”.