Dëbora ka zbardhur fshatrat turistike të Voskopojës, Dardhës, si dhe qafën e Qarrit. Në zonën e Dardhës trashësia e dëborës është rreth 15-20 cm.
Sipas zyrtarëve të autoritetit lokal rrugët janë të hapura dhe deri më tani nuk ka probleme në qarkullimin e mjeteve.
Reshjet e borës në Dardhë vijojnë të jenë prezente por me intensitet të ulët. Ndërkohë, Policia rrugore ka ngritur postblloqe për monitorimin e situatës dhe nuk lejon asnjë automjet të udhëtojnë pa zinxhirë.
Në këtë stinë, Dardha është një nga zonat më të vizitura nga turistët.