Reshje dëbore në qarkun e Korçës, zbardhen disa fshatra

Mbrëmjen e djeshme, reshjet e dëborës janë rikthyer në qarkun e Korçës, nga ku mësohet se nisë në lartësitë mbi 1200 m.

Bëhet me dije se reshjet janë regjistruar në fshatrat e Dardhës dhe Vithkuqit, ndërsa sipas informacioneve intensiteti i tyre është i ulët.

Ndërkohë, borëpastrueset, firmat kontraktore kanë zbritur në terren për pastrimin dhe kriposjen e rrugëve. Nga ana tjetër, vlerat e temperaturave qëndrojnë në 2 gradë, ndërsa pritet që dëbora të vijojë.