Reshje të dendura dhe breshër në Sarandë dhe Delvinë

Moti i keq ka përfshirë jugun e Shqipërisë, duke sjellë reshje të dendura shiu, breshër dhe shkarkesa elektrike në zonën e Sarandës dhe Delvinës.

Gjatë orëve të fundit, në këto zona janë regjistruar rrebeshe të forta, të shoqëruara me breshër dhe vetëtima. Situata atmosferike paraqitet e paqëndrueshme, ndërsa reshjet intensive kanë prekur disa zona të jugut të vendit.

Autoritetet u bëjnë thirrje qytetarëve të tregojnë kujdes gjatë lëvizjeve, veçanërisht në zonat ku reshjet dhe fenomenet atmosferike janë më të dendura.