Rexhep Qosja: Vlerat europiane t’i bëjmë tonat para se të futemi në BE

Akademiku Rexhep Qosja, i dekoruar së fundmi nga kryeministri Edi Rama me ”Yllin e Mirënjohjes Publike”,  thotë se duhet shumë punë nga politika, në Shqipëri e Kosovë, për të bindur njerëzit, sidomos të rinjtë, që të mos largohen nga dy shtetet shqiptare.

“Në strukturat tona politike i kanë shumë të shpeshta “vlerat dhe standardet europiane”. Mirë, dakord. Por shumë më e rëndësishme se kjo është të mendojmë si ato standarde t’i sjellim në jetën tonë. Para se të hymë në BE të përpiqemi t’i bëjmë pjesë të vlerave e standardeve të jetës sonë. Kjo është me shumë rëndësi”, u shpreh për A2 CNN.