Rikthimi i Zgjedhores dështoi pa nisur, Gjekmarkaj: PS duhet të përballet me kundërshtarin real

Asgjë nuk bën që PD e Berishës dhe e Bardhit të ulen në një tavolinë me maxhorancën. As Reforma Zgjedhore nuk zmbrapsi opozitën nga aksioni bllokues në Kuvend, ku nuk lejoi çeljen e punimeve të komisionit të posaçëm. Të shumtë në numër, mbipopulluan sallën e mbledhjes, duke mos u lënë as vend për t’u ulur deputetëve anëtarë të PS. Deputeti i PD-së Agron Gjekmarkaj, tha se mazhoranca duhet të përballet me opozitën e vërtetë dhe nuk mund të jetë Alibeaj bashkëkryetari, për sa kohë nuk ka besimin e plotë të opozitës.

Gjekmarkaj: Pse nuk insistuat për alternative. Duhet të kufizojmë çfarë është normaliteti në një vend demokratik. Normalitet është zbatimi i kushtetutës, të drejtat e deputetit, qeveria të mos caktoj ça është opozita, konkurrenca të bëhet me kundërshtarin real. E rëndësishme me kë përballet nesër PS në zgjedhje.

Klosi: Do përballemi me problemet e qytetarëve.

Gjekmarkaj: Do përballesh me kundërshtarin real. Unë nuk kam asgjë me Alibeajn, por nuk mund të jetë ai bashkëkryesi, sepse nuk ka besimin e pjesës më të madhe të opozitës. Ngërçi ku është futur gjykata politika, qeveria. Jemi racional, kundërshtari i vërtetë duhet të respektohet dhe me të, ti bësh rregullat e lojës.

Klosi: Dakord me çfarë tha z.Gjekmarkaj. Në realitet është ndryshe, ai komision nuk është bipartizan por gjithëpërfshirës, i gjithë grupi mund të vijë të ndjekë mbledhjet, problematikën nuk e cakton bashkëkryetari. Vendimmarrja e komisionit nuk është e fundme, janë një tryezë apo një atmosferë kur diskutohen debatet, çështjet në hollësi kur të shkohet në seancën plenare gjërat të jenë diskutuar dhe debatuar. Forcat që duan të paraqiten në fushatë, kanë mbetur më pak se 100 ditë nga mundësia për të ndryshuar Kodin Xgjedhor. Kodi Zgjedhor nuk lejon ndryshimet para zgjedhjeve. Një ditë humbi sot. A humbi për të mirën e grupeve që tregojnë se janë të fortë, nuk ndërhyj as nuk më takon. Ne nuk zgjedhim kundërshtarin, ne mendojmë sikur dita e zgjedhjeve është nesër. Ky është realiteti.

Gjekmarkaj: Duhet t’i kujtoj zotit Klosi që Bardhi që në shtator ka kërkuar që të disktutohet mbi reformën zgjedhore dhe të jetë përfaqësuesi i emëruar, ashtu si PS ka z.Gjiknuri. Njëherë thanë prisni disa ditë, tani kemi kaluar në fushën e banalitet politik ku ndizet një sherr artificial. Unë e kuptoj kundërshtari ka të drejtë ta bëjë, por është një e drejtë që meriton reagimin e elitave. Është vonë PD për ndryshime. PS mund ti refuzojë propozimet, mbase do shkojë në zgjedhje me këtë kod, por PD ka detyrimin të dalë me një alternative si e mendon ajo reformën zgjedhore, çfarë janë ofertat që e çojnë Shqipërinë drejt zgjedhjeve të lira dhe të ndershme.

Ne nuk kemi asnjë kusht për komisionin e Reformës Zgjedhore, por të shkojmë përpara dhe të arrijmë në dakordësi. Nëse një grupim deputetësh ka paraqitur propozime është shumë gjë e mirë. Gjithsecili sjell ndryshimet e tij, por e rëndësishme është të kemi dakordësi të pranuar nga palët. Ky nuk është sistemi zgjedhor që të krijon favore. Një grupim ka vendosur të zënë karriget, sot nuk i kthyen përmbys.

Nuk kemi asnjë çedim nga parimi që ai komision është i hapur për çdo propozim, kjo është historia, kështu ka ndodhur gjithmonë. Këto 100 ditët e fundit që kanë ngelur janë shumë pak për të ndryshuar kodin zgjedhor, vota e emigrantëve, mundësia e votimit elektronik, disa gjëra që duhen marrë në konsideratë, të diskutohet dhe të gjete kompromis. Në rast se ka propozime, siç i ka bërë PD zyrtare, do diskutohet. Në këtë rast nuk kemi të mundur veton, PS ka vetëm 74 vota. Ky është sistemi i tretë. /Top Channel/