Rrebeshe shiu dhe ulje temperaturash, ky është parashikimi i motit

Në vendin tonë moti sot do të jetë i alternuar me kthjellime dhe vranësira duke sjellë reshje shiu në pjesën e parë të ditës. Pasdite prite mot i kthjellët.

Sipas Meteoalb, sot temperaturat do të pësojnë një rënie të ndjeshme, ku do të variojnë: në zonat malore, nga 09ºC në 19ºC, në zonat e ulëta nga 14ºC në 26ºC dhe në zonat bregdetare nga 17°C në 27ºC.

Era do të fryejë në drejtim Verlindor-Veriperëndimor ndërsa forca e valëzimit në det do të jetë 5 ballë.

Në Kosovë moti sot do të jetë i alternuar me kthjellime dhe vranësira duke sjellë mot të kthjellët i shoqëruar herë pas here edhe nga reshjet e shiut. Sot temperaturat do të pësojnë një rënie të ndjeshme ku do të variojnë: në zonat malore nga 09ºC deri në 15ºC dhe në zonat e ulëta nga 13ºC në 19ºC.