Rrëfimet tronditëse,16-vjeçarja tregon ngacmimet seksuale nga i ati
Dhuna seksuale ndaj fëmijëve në Shqipëri është tronditëse.
Disa raste të denoncuara në Alo 116, Linja Kombëtare e Këshillimit për Fëmijë, janë sjellë nga gazeta “Shqip”.
“B. është një vajzë 16-vjeçare në klasën e dhjetë, e cila ka telefonuar nga qyteti i Tiranës.
Ajo jeton në një familje të varfër, ku babai punon me raste, ndërsa nëna shtëpiake.
Vajza thotë se është ngacmuar seksualisht disa herë nga i ati, por nuk ka pranuar të bëjë denoncim në polici.
“Para disa ditësh, unë isha vetëm me babain në shtëpi.
Ai u afrua, ishte i pirë dhe filloi të më prekë.
Më kapi nga gjoksi dhe tentoi të më prekte organin tim.
Unë u largova dhe u mbylla në dhomën tjetër, derisa erdhi mami me vëllain në shtëpi”, shprehet e mitura në denoncimin e saj.
Rasti më i rëndë është i një 9-vjeçari nga Korça.
Ai shfrytëzohet nga daja e tij për të lypur dhe për të kryer akte seksuale me të tjerët.
Punonjësja e Alo 116 tregon se fëmija u ka thënë se ata ishin “xhaxha” të veshur mirë dhe po sipas të miturit, ata i sillte daja, i cili në fund merrte edhe paratë prej secilit prej tyre.
Ndërsa një 15-vjeçare nga Ballshi ka denoncuar mësuesin e saj të matematikës.
‘Unë dua të të ndihmoj ty se je vajzë e mirë dhe bukuroshe’i ka thënë mësuesi, ndërsa ajo i kishte shkuar në shtëpi, pasi ai i kishte thënë se do e ndihmonte me lëndën.
Në këto momente, vajza nisi të bërtiste dhe tenton të largohet në drejtim të korridorit, por aty dera ishte e mbyllur.
Profesori tenton ta prekë përsëri dhe t’i heqë bluzën me zor, por përballet me refuzimin e vajzës dhe të bërtiturat e saj.
Ai i premton se do ta lërë të lirë me kusht që vajza të mos i tregojë askujt për atë çfarë ka ndodhur dhe ai e le të lirë