Rrëmbehet një 27-vjeçare në Unazën e Re

Është gjetur pas gati një ore 27-vjeçarja që u marrë me forcë me një makinë në zonën e Unazës së Re në Tiranë. Denoncimi është bërë nga prindërit e saj. Ata kanë shkuar në komisariat ku kanë bërë denoncimin. Nga burime policore u mësua se është gjetur i braktisur në Vorë, automjeti i përdorur nga autorët, një Volkzwagen me targa TR1613U. Për shkak se makina pësoi defekt autorët e kanë braktisur makinën dhe janë larguar me këmbë në zonën e njohur si “shinat e trenit”. Policia tha se ka ndaluar dy autorët dhe ka shoqëruar për në komisariat vajzën e rrëmbyer. Sipas disa burimeve dyshohet se ajo është marrë nga ish-i dashuri H.B. dhe një person tjetër. Policia po merr në pyetje autorët për të zbardhur të gjithë ngjarjen.