Rrëqethëse! Fëmija i sëmurë nuk lejohet të kalojë në Kakavijë, momenti kur e ëma e nxjerr nga makina

Me qindra qytetarë kanë mbetur të bllokuar dje me orë të tëra në pikën kufitare të Kakavijës, pas shtrëngimit të masave ndaj koronavirusit nga Greqia.

News 24 sjell një moment të dhimbshëm, ku shihet një nënë me fëmijën e saj të sëmurë, e cila nuk lejohet nga policia të kalojë kufirin.

Në video shihet momenti rrëqethës kur nëna e revoltuar, pas pritjes së gjatë, nxjerr fëmijën e saj tetraplegjik nga makina dhe e ul në tokë, në mes të rrugës.

Në këtë moment, policia i hap rrugën për të kaluar, pasi fëmija kishte nevojë për trajtim mjekësor. Siç raporton gazetari Skëndaj, fëmija i sëmurë ishte grek dhe do të bënte trajtimin në spital.