Rrethrrotullimi i ”vdekjes” në Shqipëri, janë dhjetëra viktima

2021 nisi me aksidente tragjike dhe numri i viktimave që shuhen në rrugët e vendit janë të larta. Rrethrrotullimi në rrugën Tiranë-Elbasan, pranë qendrës tregtare TEG, është një nga njollat e zeza më të rrezikshme në vend. Në 5 vite, në te njëjtin vend janë shënuar të paktën 50 aksidente, me më shumë se dhjetë viktima. Kreu i policisë së shtetit e ka cilësuar një gabim inxhinierik këtë nyje rrugore.

”Kemi konstatuar probleme që në projektimin inxhinerik të rrugëve që ka kanë sjellë pasoja fatale siç është rreth rrotullimi i TEG-ut ku në një segment kohor prej 3 muajsh ne kemi pasur në të njëjtën pikë 7 aksidente me pasoja fatale”, deklaroi Ardi Veliu më 17 janar 2020.

Alarmi nga Drejtori i Përgjithshëm i Policisë, vinte pas një periudhe ku aksidentet në këtë rrethrrotullim pasionin njëri-tjetrin. Tre anëtarët e familjes Bibaj humbën jetën tragjikisht qershorin e 2019-ës teksa foristada e tyre kaloi mbi ishullin e rreth rrotullimit duke u përplasur me barrierat e betonit.

Sipas analizës së policisë rrugore kryesisht të rriskuarit kanë qenë drejtuesit e mjeteve që udhëtonin nga Elbasani në drejtim të Tiranës për shkak të thyerjes së menjëhershme të shpejtësisë nga 110 kilometra në orë në pothuajse se zero.