Rritet numri i të shtruarve në spitalet COVID, shërohen 115 qytetarë

Rritet numri i të shtruarve në dy spitalet Covid duke arritur në 189 persona.

Ministria e Shëndetësisë, cituar nga TV Klan, njofton se 16 prej tyre ndodhen në terapi intensive ndërsa 5 pacientë janë të intubuar, në gjendje kritike për jetën.

Po ashtu në dy spitalet, atë Infektiv në Qendrën Spitalore Universitare “Nënë Tereza” dhe spitalin “Shfeqet Ndroqi” po marrin shërbime të specializuar disa qytetarë të cilët kanë qenë pozitivë me COVID19 dhe aktualisht janë negativizuar, por po vijojnë të marrin trajtim spitalor për pasojat e sëmundjes.

Ministrja e Shëndetësisë, Ogerta Manastirliu njoftoi se gjatë 24 orëve të fundit, 115 qytetarë e kanë fituar betejën me virusin e rrezikshëm.