Rritje rekord e të ardhurave buxhetore, Rama: Do mbledhim 1 miliard euro shtesë

Kryeministri Edi Rama deklaroi se të ardhurat buxhetore kanë arritur një nivel historik, duke reflektuar forcimin e ekonomisë shqiptare. Ai theksoi se ky rezultat nuk vjen nga rritja e taksave, por nga përmirësimi i administrimit tatimor dhe doganor, rritja e cilësisë së kontrollit dhe ndërgjegjësimi fiskal, si dhe nga lufta kundër korrupsionit dhe abuzimeve të trashëguara.

Sipas projeksioneve, gjatë kësaj periudhe pritet të mblidhen mbi 1 miliardë euro të ardhura shtesë. Rama vlerësoi se kjo tregon se vota e qytetarëve ka rëndësi dhe se përpjekjet për rritjen e transparencës dhe efikasitetit në administratë po japin rezultate konkrete për ekonominë dhe financat publike.