Rrjedha e ujit merr para makinat në hyrje të autostradës Vlorë-Fier

Reshjet e dendura të shiut që nisën nga ora 15:00 e kësaj të premteje kanë zhytur në ujë qytetin e Vlorës. Akset kryesore rrugore si rruga Transballkanike, bulevardi Vlorës, Lungomare, rrugët “Gjergji Araniti”, “Gjergj Kastrioti” dhe “Kosova” janë përmbytur. Pamjet tregojnë qindra automjete të bllokuara në rrugët e qytetit, të fikura në mes të rrugës dhe të dala jashtë funksionit. Dhjetëra drejtues të tjerë mjetesh janë përpjekur t’i shpëtojnë një fundi të ngjashëm, duke ngjitur mjetet e tyre në rreth rrotullimin në hyrje të autostradës.