”Rruga e Kombit” ”mbulohet” nga mjegulla, Policia: Bëni kujdes

Mëngjeset në Kukës po shoqërohen prej ditësh me mjegull të dendur, fenomen ky i zakonshëm në periudha të tilla. Prania e mjegullës shihet edhe nëpër akse rrugore, si në Rrugën e Kombit. Autoritetet i bëjnë thirrje të gjithë drejtuesve të automjeteve që të kenë kujdes në rast se do të qarkullojnë në aksin rrugor Kalimash-Kukës, pasi prania e mjegullës së dendur mund të krijojë vështirësi në qarkullim për shkak të kufizimit të pamjes dhe krijimit të lagështisë.