“Rruga e Kombit”, Sulo: Rama gaboi rëndë, zemëroi qytetarët, reagim jo prej burri shteti

Gazetari Arjon Sulo i ftuar në “Tonight Ilva Tare” në Ora News, thotë se rrallë herë ndodh që Rama gabon kaq rëndë në komunikimin publik dhe sjellja e tij pas protestës sipas Sulos nuk është prej burri shteti.

Pjesë nga biseda: 

Sulo: Rama të shtunën dhe dje u përpoq të menaxhonte dëmet. Rrallë herë ndodh që Rama gabon kaq rëndë në komunikimin publik. Që nga ’98-ta ka qenë politikani më rentabël. Ka qenë në hall ditën e shtunë, ndërsa u përpoq të përçante të gjitha grupet e prekur nga taksa. Quajti vandal pjesën e protestuesve, u kërkoi ndjesë banorëve të Kukësit. Një kryeministër që arrin të zemërojë popullin për një pagesë, për një futje dore në xhepin e tij, nuk është reagim prej burri shteti. Ai duhej të tërhiqej nga taksa. Qytetarëve u thotë se ka abone dhe nuk e di se çfarë është aboneja. Diku kërcëno, diku përça, diku lajkato.

Një kryeministër në atë gjendje nuk mund të kërcënojë në atë gjendje me vandalë.

Kjo tregon se nuk e ka pritur atë reagim të qytetarëve.