Safet Gjici kërkon lirinë, i shtruar në një spital privat

Gjykata kërkon të ngrihet grup prej tre ekspertësh të Institutit të Mjekësisë Ligjore për të shqyrtuar dokumentacionin e gjendjes shëndetësore të ish-kreut të Kukësit, Safet Gjicit. Në Gjykatën e Shkallës së Parë të Juridiksionit të Përgjithshëm Elbasan u zhvillua seanca gjyqësore e radhës për të shqyrtuar kërkesën për lirimin nga burgu për shkaqe shëndetësore dhe vuajtjen e dënimit të mbetur në shtëpi. Safet Gjici nuk ka preferuar të jetë i pranishëm në seancë dhe ka kërkuar të përfaqësohet nga avokati Markelian Jançe. Aktualisht Safet Gjici ndodhet në një spital privat.