Sali Berishën e lanë në baltë edhe Flamur Noka, edhe Gazment Bardhi!

Ish-kryeministri Berisha bëri thirrje të hapur që ditën e enjte të ketë protestë të madhe nga demokratët para parlamentit dhe në sheshin para kryeministrisë. Natyrisht që ish-kryeministri demokrat ka thënë se kjo protestë nuk lidhet me fatin e tij nga SPAK, por në thelb ky do të ishte thelbi i reagimit popullor.

Ndërkohë mësohet se në mbledhjen e grupit të deputetëve të PD-së ka patur kundërshtime të forta nga Flamur Noka dhe Gazment Bardhi që të mos bëhet protestë populllore, por vetëm me deputetët e opozitës në sallën e Kuvendit.

Kjo është hera e parë që Berishën nuk e ndjekin as besnikët dhe me sa duket nuk ka as njerëz, pas këtyre goditjeve që po merr dita-ditës.

Kishte muaj e muaj që Berisha premtonte e premtonte se do të bënte namin me popull në Bulevard, popull të cilin kurrë nuk e mblodhi. Ndaj dhe protestuesit u mërziten dhe braktisen PD duke parë hallet e tyre se si të nxjerrin bukën e gojës.

Berisha pret vendimin e Kuvendit që t’i japë dritë jeshile SPAK për arrestimin e tij, ndërsa kolegët deputetë nuk duan popull në rrugë për Berishën.

Me sa duket po e lenë në fatin e tij!

Pas vendimit të Kuvendit vjen arresti në shtëpi. Pas arrestit vjen vendimi nga gjykata që t’i mbyllen edhe rrjetet sociale, sidomos profili i tij në facebook.

Pra do ta bëjnë të flasë me vete!