Mjeku Kita Sallabanda, ka folur rreth situatës së Covid-19 në Shqipëri.
I ftuar në edicionin e lajmeve të Ora News, me gazetaren Matilda Mcini, Sallabanda, shprehet se Shqipëria është vendi i dytë në Evropë që e ka kaluar më lehtë pandeminë Covid-19. Më tej, shprehet se gjatë verës, situata do të jetë më e qetë dhe kjo sipas tij për shkak të temperaturave të larta dhe vaksinimi masiv që po bëhet.
Kita Sallabanda: Shqipëria ka ikur nga zona e kuqe. Janë vaksinuar deri 500 mijë qytetarë, pra 20% e popullatës është vaksinuar. Rritja e temperaturës ka rënë edhe agresiviteti i virusit. Në periudhën e beharit kjo situatë do të përmirësohet dhe do përmirësohet po ashtu edhe me vaksinimin masiv të popullatës. Shqipëria është vendi i dytë në Evropë që e ka kaluar më e lehtë Covid-19. Kjo mund të ketë ndodhur për shumë faktorë, për imunizimin ndaj infeksionit dhe për masivitetin me vaksinimin e popullatës. Shqipëria nuk ka pasur shumë numra të lartë në krahasim me vendet përreth.”
