Samiti i Triestes, mediat serbe komentojnë veshjen e Ramës, ja çfarë iu bëri përshtypje

Aktualitet E Mërkurë, 2 Qershor 2021 00:31

“Rama me një stil ‘casual’, edhe në Trieste me altete”. Ky është titulli i një prej mediave serbe, që edhe kësaj here, i kanë kushtuar sërish vëmendje veshjes së kryeministrit të Shqipërisë.

Në një video që ka publikuar ‘B92’ shihet se si pritet Rama në Trieste, në Samitin e Ballkanit Perëndimor, në kuadër të Procesit të Berlinit. Pavarësish kostumit të zi, Rama kishte zgjedhur një palë atlete, stil me të cilin jemi mësuar tashmë.

Po ashtu, ‘B92’ i rikthehet episodit të vjetër, ku kryeministri shqiptar zgjidhi të vishej me atlete edhe në Bruksel, ku mes shumë personalitetesh takoi edhe kancelaren Angela Merkel.